Nach oben

XXIV. Solde ich iemer vrowen leit


I

 

Solde ich iemer vrowen leit

alder arc gesprechen, daz hât sî verschuldet wol,

diu daz hât von mir geseit,

daz ich singe owê von der ich iemer dienen sol.

Si ist des liehten meien schîn

und mîn ôsterlîcher tac.

swenne ich sî an sihe, sô lachet ir daz herze mîn.

 

II

 

Mîn vrowe ist s ô genaedic wol,

daz si mich noch tuot von allen mînen sorgen vrî.

des bin ich v r ô reht als ich sol.

ich waene, nieman lebe, der in sô ganzen vröiden sî.

Wol ir hiute unde iemer mê!

alsô sprich ich und wünsche ir des,

diu mir hât benomen mit vröiden gar mîn alt owê.

 

III

 

Swaz ich singe ald swaz ich sage,

sône wil si doch niht troesten mich vil senden man.

des muoz ich ringen mit der klage

unde mit der nôt, die ich selbe mir geschaffet hân.

Sô ist siz doch diu vrowe mîn:

ich binz, der ir dienen sol,

unde wünsche ir des, dazs iemer saelic müeze sîn.



(* 00.00.1150, † 00.00.1222)




Bewertung:
0/5 bei 0 Stimmen

Kommentare

  • Noch kein Kommetar vorhanden!